📱 E2EE အက်ပ်များ မှတစ်ဆင့် အသံဖြင့်ဖုန်းခေါ်ဆိုခြင်း။

အမျိုးအစား	ပရိသတ်	ဦးစားပေးမှု	ရှုပ်ထွေးမှု	အင်အားစိုက်ထုတ်ရမှု	ကုန်ကျစရိတ်	UPDATE ပြုလုပ်ပြီး
ကျင့်ကြံလုပ်ဆောင်ခြင်း	🧑	⭐⭐⭐⭐⭐	⭐	🧑	🆓	2021-10-19

စဥ်းစားပုံစဥ်းစားနည်း

📱 မိုဘိုင်းလ် သို့မဟုတ် ကြိုးဖုန်းများ မှတစ်ဆင့် အသံဖြင့်ဖုန်းခေါ်ဆိုခြင်းအား ရှောင်ကျဥ်ပါ။တွင် ရှင်းပြခဲ့သည့်အတိုင်း ဖုန်းခေါ်ဆိုမှုများသည် လုံခြုံမှုမရှိပဲ ၎င်းတို့အား ကြားဖြတ်နားထောင်ခြင်းများ ပြုလုပ်နိုင်သည်။ ထို့ကြောင့် ၎င်းအစား ကျွန်ုပ်တို့အနေဖြင့် လုံခြုံသော ဆက်သွယ်‌ရေး လမ်းကြောင်းများကို အသုံးပြုသင့်သည်။

ညွှန်ကြားချက်များ

သင်ဘာသိသင့်သလဲ

• E2EE ဆိုသည်မှာ End-to-End Encrypted(အစမှအဆုံးအသွင်ဝှက်ခြင်း) အတွက် အတိုကောက်ဖြစ်သည်။ ဆိုလိုသည်မှာ ဖုန်းခေါ်ဆိုမှုပြုလုပ်နေသောပစ္စည်းကိရိယာအား အသုံးပြုနေသော လူများ သာလျှင် ပြောဆိုနေမှုများအား နားထောင်နိုင်မည်ဖြစ်သည်။ ထိုခေါ်ဆိုမှုများသည် ကွန်ရက်များမှ ဖြတ်သန်းသွားလာနေစဥ်အချိန်တွင် တစ်စုံတစ်ယောက်မှ ကြားဖြတ်နားထောင်ပါက ၎င်းတို့အနေဖြင့် ဒီဂျစ်တယ်ဆူညံသံများသာ "ကြား" ရမည်ဖြစ်သည်။
• အက်ပ် တော်တော်များများမှ "ဒီဂျစ်တယ်အသံဖြင့်ဖုန်းခေါ်ဆိုမှုများ" အား ပံ့ပိုးပေးထားသော်လည်း ၎င်းတို့အားလုံးသည် E2EE မဟုတ်ကြပါ ... သို့မဟုတ် ၎င်းအား ပုံသေအဖြစ် ပံ့ပိုးမှုပေးမထားပါ။ ထို့ကြောင့် အောက်တွင် အက်ပ်များတွင် ၎င်းတို့၏ အသံဖြင့်ဖုန်းခေါ်ဆိုမှုများအား ပုံသေအားဖြင့် အစမှအဆုံး အသွင်ဝှက်ခြင်းအား ပံ့ပိုးပေးထားသည့်အပေါ်တွင်မူတည်၍ မည်သည့် အက်ပ်အား အသုံးပြုရမည်ကို အကြံပြုသွားမည်ဖြစ်သည်။
• E2EE မပံ့ပိုးထားခြင်းကြောင့် ၎င်းတို့အားအသုံးပြု၍ ဖုန်းခေါ်ဆိုခြင်းသည် မလုံခြုံပါ သို့မဟုတ် အသွင်မဝှက်ထားပါ ဟု မဆိုလိုပါ။ သို့သော် အခြားလူပုဂ္ဂိုလ်အဖွဲ့အစည်းတစ်ခုခုမှ (များသောအားဖြင့် ထို ဝန်ဆောင်မှု ကိုယ်တိုင်ပင်) သင်၏ ခေါ်ဆိုမှုများအား အသုံးပြုခွင့်ရှိနေမည်ဖြစ်သည်ဟု ဆိုလိုပါသည်။ ထို့ကြောင့် သင့်အနေဖြင့် Microsoft (ဥပမာ Skype နှင့် Teams)အား သင့် အသံဖြင့်ဖုန်းခေါ်ဆိုမှုများအတွက် သင်ယုံကြည်ကောင်းယုံကြည်ပါလိမ့်မည်။ ၂၀၂၀ ခုနှစ်တွင် အစီရင်ခံစာတစ်ခုရှိခဲ့သည်။ ၎င်းအစီရင်ခံစာတွင် Microsoft မှ တရုတ်နိုင်ငံတွင်ရှိသော ၎င်း၏ ဝန်ထမ်းများအား ခေါ်ဆိုမှုများ၏ အသံအရည်သွေးအား စောင့်ကြည့်ရန်အတွက် နားထောင်ခွင့်ပြုခဲ့သည်ကို ဖော်ပြထားသည်။ E2EE မပါခဲ့ပါက သင်၏ ခေါ်ဆိုမှုများသည် မကောင်းသောသူများထံသို့ ရောက်ရှိနိုင်သည့်အခွင့်အရေးမှာ နည်းပါးလှသော်လည်း လုံးဝမဖြစ်နိုင်တာ မဟုတ်ပါ။ E2EE အား အသုံးပြုခြင်းဖြင့် ထို အန္တရာယ်အား ဖယ်ရှားနိုင်သည်။ ထို့ကြောင့် ၎င်းအား ဖြစ်နိုင်သည့်အခြေအနေများတွင် အသုံးပြုရန် အကြံပြုရခြင်းဖြစ်သည်။

သင်ဘာလုပ်သင့်သလဲ

1. Signal အား သင့် အသံဖြင့်ဖုန်းခေါ်ဆိုခြင်းများအတွက် အသုံးပြုပါ။

သင့် အသံဖြင့်ဖုန်းခေါ်ဆိုမှုများအား တတ်နိုင်သောအချိန်များတွင် Signal မှတစ်ဆင့်သာ ခေါ်ဆိုပါ။ 📱 Signal အား အသုံးပြုရန် ပြင်ဆင်ရန် နှင့် 📱 Signal အား လုံခြုံစွာ အသုံးပြုရန် အတွက် ညွှန်ကြားချက်များအတိုင်း လိုက်လံဆောင်ရွက်ပါ။

2. အခြားသော အသံဖြင့်ဖုန်းခေါ်ဆိုခြင်း အက်ပ်များအား E2EE သို့ ပုံသေအဖြစ်ပြောင်းပါ။

Signal သည် အသံဖြင့်ဖုန်းခေါ်ဆိုခြင်းအတွက် ပို၍ အကြံပြုလိုသော နည်းလမ်းဖြစ်သည်။ သို့သော် အခြားသော အက်ပ်များသည်လည်း E2EE အသံဖြင့်ဖုန်းခေါ်ဆိုခြင်းအား ပုံသေအဖြစ် ဝန်ဆောင်မှုပေးခြင်းများလည်းရှိသည်။ အောက်ဖော်ပြပါ အက်ပ်စာရင်းတွင် ပါဝင်သော အက်ပ်များ မှ သင်၏ ဖုန်းခေါ်ဆိုမှုများအား ကြားဖြတ်နားထောင်ခြင်းအတွက် သင် စိုးရိမ်ရန်မလိုပါ။

• Apple Messages / FaceTime - သို့သော် Apple ပစ္စည်းကိရိယာများတွင်သာ အသုံးပြု၍ ရသည်။
• Telegram - ဖုန်းခေါ်ဆိုမှုများသည် ပုံသေအဖြစ် E2EE ဖြစ်သည်။ သို့သော် စာတိုပေးပို့မှုများ အတွက် သင့်အနေဖြင့် E2EE အား ဖွင့်၍ အသုံးပြုရမည်ဖြစ်သည်။ ("Secret Chats" အသုံးပြုခြင်းဖြင့်)
• Rakuten Viber - သို့သော် တစ်ဦးနှင့် တစ်ဦးကြား ဖုန်းခေါ်ဆိုမှုများအတွက် သာ ဖြစ်သည်။ အဖွဲ့လိုက်ဖုန်းခေါ်ဆိုမှုများအတွက် E2EE ပံ့ပိုးမှုမပေးထားပါ။

3. ထိလွယ်ရှလွယ်ဖြစ်သော အသံဖြင့်ဖုန်းခေါ်ဆိုမှုများအတွက် ဖော်ပြပါ အက်ပ်များအား အသုံးမပြုပါနှင့်။

အောက်ဖော်ပြပါ အက်ပ်များသည် E2EE အသံဖြင့်ဖုန်းခေါ်ဆိုခြင်းအား မပံ့ပိုးပေးထားသလို ပုံသေအဖြစ် သတ်မှတ်ရန်လည်း ပြုလုပ်၍ မရပါ။ ဖုန်းခေါ်ဆိုရာတွင် ထိလွယ်ရှာလွယ်ဖြစ်သည့်သတင်းအချက်အလက်များပြောဆိုခြင်းအတွက် ထိုအက်ပ်များအား ရှောင်ကျဥ်လျှင် အကောင်းဆုံးဖြစ်ပေသည်။

• Facebook Messenger - "Secret Conversations" အား ပံ့ပိုးပေးထားသည်။ သို့သော် ပုံသေအဖြစ် E2EE ဝန်ဆောင်မှုမပေးထားပါ။
• Facebook WhatsApp - အသုံးပြုမှု တွင်ကျယ်ပြီး စာတိုပေးပို့ခြင်းနှင့် ဖုန်းခေါ်ဆိုမှုများအတွက် E2EE ဝန်ဆောင်မှုပေးထားသော်လည်း လတ်တလော ကိုယ်ရေးလုံခြုံမှု မူဝါဒပိုင်းဆိုင်ရာ အငြင်းပွားစရာများကြောင့် Facebook ၏ ကိုယ်ရေးလုံခြုံမှုအပေါ် အနာဂတ် ကတိကဝတ်များသည် မသေမချာဖြစ်နေရသည်။
• Microsoft Skype - "Private Conversation"အား ပံ့ပိုးပေးထားသည်။ သို့သော် ပုံသေအဖြစ် E2EE ဝန်ဆောင်မှုမပေးထားပါ။
• Microsoft Teams - Microsoft မှ Teams သို့ E2EE ယူဆောင်လာမည်ဟု ကြေညာထားသည်။ သို့သော် ၎င်းအား ထပ်မံဖွင့်ရမည့် ရွေးချယ်စရာအဖြစ် ပါဝင်လာနိုင်ပြီး တစ်ဦး မှ တစ်ဦး အသံဖြင့်ဖုန်းခေါ်ဆိုခြင်းအတွက်သာ ဖြစ်နိုင်ချေများသည်။
• SalesForce Slack - Slack သည် E2EE အား ပံ့ပိုးမည်မဟုတ်ပါ။
• Zoom - နည်းပညာပိုင်းဆိုင်ရာ ကြိုတင် ကြည့်ရှုမှုတွင် လက်ရှိတွင် "E2EE" ရှိသည်။ သို့သော် ပုံသေအဖြစ် E2EE ဝန်ဆောင်မှုမပေးထားပါ။ E2EE ဖွင့်၍ အသုံးပြုပါက ပိတ်သွားမည်ဖြစ်သော ဝန်ဆောင်မှုများအား သိရှိရန်အတွက် 💻-🖥️-📱 Zoom အား လုံခြုံစွာ အသုံးပြုပါ။ အား ကြည့်ရှုပါ။

Source : ExpressVPN, Zoom, Slack, Microsoft