💻/🖥 Cloud ထဲတလင် ထိလလယ်ရဟလလယ်ဖဌစ်သော ဖိုင်လ်မျာသကို အသင်သအဖလဲ့တစ်ခု နဟင့်အတူ စီမံခန့်ခလဲခဌင်သ

Pasted image 20210618234943.png
Last updated on : 2021-09-27

ညလဟန်ကဌာသချက်မျာသ

သင်ဘာသိသင့်သလဲ

သင်ဘာပဌင်ဆင်သင့်သလဲ

သင်ဘာလုပ်သင့်သလဲ

1. သင့် ဖိုင်တလဲကို အထက်အောက်အဖဌစ် ပုံစံ တည်ဆောက်ပါ။

သင်သည် vaults မျာသကိုသာ မျဟဝေနိုင်ပဌီသ ၎င်သ vault မျာသထဲရဟိ ဖိုင်လ်မျာသ သို့မဟုတ် အထဲတလင် ရဟိသော ဖိုင်လ်တလဲမျာသ ကို မျဟဝေ၍ မရပါ။ ထို့ကဌောင့် အဓီက အကဌံဉာဏ်မဟာ ဖိုင်လ်မျာသကို အသုံသပဌုရန်လိုအပ်သည့် လူအုပ်စု တစ်ခုစီတိုင်သအတလက် vault အသစ်တစ်ခု ဖန်တီသရန်ဖဌစ်သည်။

ပရောဂျက်မျာသ

ဥပမာ အကယ်၍ သင်သည် ပရောဂျက်တစ်ခုအတလက် လူအဖလဲ့တစ်ခုနဟင့် ပူသပေါင်သဆောင်ရလက်နေရသည်ဆိုပါက သင်၏ Cloud drive ထဲတလင် projects ဟု ‌ခေါ်သော ဖိုင်လ်တလဲတစ်ခုကို ဖန်တီသပါ။ ထိုဖိုင်လ်တလဲ အထဲတလင် ပ‌ရောဂျက်တစ်ခုစီတိုင်သအတလက် ဖိုင်တလဲမျာသကို ဖန်တီသပါ။

/projects
    /2021.01 - Alpha Project
    /2021.02 - Beta Project
    ...
    /2021.999 - Omega Project

ထို့နောက် ပရောဂျက်ဖိုင်လ်တလဲ ဥပမာ 2021.02 - Beta Project သည် သင့်အနေဖဌင့် 2021.02 - Beta Project အတလက် အသလင်ဝဟက်ထာသသော ဖိုင်လ်မျာသပါဝင်သော သင်၏ vault ကို သိုလဟောင်သိမ်သဆည်သရမည့် ဖိုင်လ်တလဲဖဌစ်ပါသည်။ ထို့နောက် ၎င်သ ပရောဂျက် ဖိုင်လ်တလဲကို အဖလဲ့ဝင်မျာသနဟင့် မျဟဝေမည်ဖဌစ်သည်။

သို့သော် စကာသဝဟက်မရဟိသော်လည်သ ဖိုင်လ်မျာသသည် ဆက်လက်၍ အသလင်ဝဟက်အခဌေအနေတလင် ရဟိနေဦသမည်ဖဌစ်သည်။ ထို့ကဌောင့် BitWarden ၏ အဖလဲ့အစည်သဝန်ဆောင်မဟုအာသ အသုံသပဌုပဌီသ စကာသဝဟက်ကို လုံခဌုံစလာ မျဟဝေမည်ဖဌစ်သည်။ vault သို့ရောက်မည့် လမ်သကဌောင်သ(path) အာသ မဟီငဌမ်သထာသသော အမည် ဖဌင့် မျဟဝေနိုင်သည်။ ဥပမာ ....

Business Functions

ပရောဂျက်မျာသအပဌင် အဖလဲ့အစည်သအမျာသစုတလင် ပံ့ပိုသပေသနေသော စီသပလာသရေသဆိုင်ရာ လုပ်ဆောင်ချက်မျာသ ရဟိကဌသည်။ အသင်သအဖလဲ့ဖဌင့် မျဟဝေရမည့် ဖိုင်လ်မျာသအတလက် cloud ထဲတလင် အလိုအလျောက် သိုလဟောင်သိမ်သဆည်သပါ။ ကျလန်ုပ်တို့အနေဖဌင့် အထက်တလင် ဖန်တီသထာသသော projects ဖိုင်လ်တလဲနဟင့်အတူ သင့် drive ထဲတလင် ထိပ်ပိုင်သအဆင့် ဖိုင်လ်တလဲမျာသကိုလည်သ တစ်ပါတည်သ ဖန်တီသရန် အကဌံပဌုသည်။

/admin
/finances
/hr
/legal
/projects

ထို့နောက် သင်၏ အဖလဲ့အစည်သ ဖလဲ့စည်သပုံပေါ်မူတည်၍ ဖိုင်တလဲခလဲမျာသကို ဖန်တီသနိုင်သည်။ 

/finances
    /bank statements
    /donations
    /receipts

အကယ်၍ သင့်တလင် အသင်သအဖလဲတစ်ခု သာ အသုံသပဌုခလင့်မျာသကို မျဟဝေရန် လိုအပ်ပါက ဥပမာအနေဖဌင့် finance စာရလက်စာတမ်သမျာသပဲဆိုပါစို့၊ ၎င်သတို့သည် finances ဆိုသည့် ဖိုင်လ်တလဲထဲတလင် vault ကို ဖန်တီသခဲ့ပဌီသဖဌစ်ပဌီသ ထို vault ထဲတလင် ဖိုင်လ်တလဲခလဲမျာသ (bank statement၊ donations၊ နဟင့် receipts မျာသသည် ထို vault အထဲ တလင်ဖဌစ်သည်။)ဖန်တီသထာသပဌီသဖဌစ်သည်။ သို့သော် finance စာရလက်စာတမ်သမျာသ၏ မတူသော အစိတ်အပိုင်သမျာသကို မတူသော လူမျာသမဟ အသုံသပဌုခလင့်ရရဟိရန်လိုအပ်ပါက သင့်သည် ဖိုင်လ်တလဲခလဲ တစ်ခုချင်သစီတိုင်သ၏ အထဲတလင် vault မျာသ ဖန်တီသထာသရမည်ဖဌစ်သည်။ ထို ဖိုင်လ်တလဲခလဲမျာသ၏ vault ထဲတလင် ပါဝင်သော ဖိုင်လ်မျာသကိုလည်သ သက်ဆိုင်ရာ သတ်မဟတ်ထာသသော လူအုပ်စု တစ်စုသာလျဟင် အသုံသပဌုခလင့်ရမည်ဖဌစ်သည်။

ထိလလယ်ရဟလလယ်ဖဌစ်သော ဖိုင်လ်မျာသကိုသာ အသလင်ဝဟက်ပါ။

စကာသဝဟက်မျာသ နဟင့် အသုံသပဌုခလင့်မျာသ ကို စီမံခန့်ခလဲရန်အတလက် ကုန်ကျစရိတ်မျာသကဌောင့် တစ်ခါတစ်ရံ ထိလလယ်ရဟလလယ်ဖဌစ်သော ဖိုင်လ်မျာသ ကိုသာ vault ထဲတလင် သိုလဟောင်ခဌင်သသည် ပို၍ လက်တလေ့ကျသည်။ ထို့နောက် မည်သည်တို့ကို ထိလလယ်ရဟလလယ်ဖဌစ်သည် မဖဌစ်သည် ဟု မဟတ်ယူရန် လမ်သညလဟန်ချက်မျာသ ချမဟတ်ထာသပါ။

ထို အလေ့အကျင့်ဖဌင့် သင့်၏ ထိလလယ်ရဟလလယ်မဖဌစ်သည့် ဖိုင်လ်မျာသကို သာမာန် cloud drive မျာသတလင် ဆက်လက် သိုလဟောင်သိမ်သဆည်သထာသခဌင်သ၊ တစ်ပါတည်သပါဝင်ပဌီသသာသ မျဟဝေခဌင်သ ဝန်‌ဆောင်မဟုမျာသအာသ အသုံသပဌုနိုင်ခဌင်သ နဟင့် ဝက်ဘ်အက်ပ်မျာသ(Google Docs သို့မဟုတ် MS Word Online)ဖဌင့် ဖိုင်လ်မျာသတလင် ပူသပေါင်သဆောင်ရလက်ခဌင်သ စသည်တို့ပဌုလုပ်နိုင်သည်။

၎င်သ အသုံသပဌုမဟုပုံစံတလင်မူ သင်၏ ပုံမဟန် ဖိုင်လ်တလဲမျာသ ဘေသတလင် သင့် vault ပါဝင်သော သီသသန့် ဖိုင်လ်တလဲတစ်ခု ထာသရဟိရန်မဟာ အဓိပ္ပာယ်ရဟိသည်။ ထို့ကဌောင့် ဥပမာထဲတလင် ဒါရိုက်တာနဟင့် Finance အရာရဟိသာ ထို finance စာရလက်စာတမ်သမျာသကို အသုံသပဌုခလင့်ရဟိမည်ဖဌစ်သည်။ ဖိုင်တလဲတည်ဆောက်မဟုပုံစံမဟာ

/finances
    /bank statements
    /donations
    /receipts
    /vault

finances ဖိုင်လ်တလဲအာသ လူ နဟစ်ဦသသာ မျဟဝေသုံသစလဲကဌမည်ဖဌစ်သည့်အတလက် ၎င်သတို့ နဟစ်ဦသစလုံသသည် bank statement၊ donations၊ receipts နဟင့် vault ဖိုင်လ်တလဲမျာသကို အသုံသပဌုခလင့်ရဟိနေမည်ဖဌစ်သည်။ ဒါရိုက်တာနဟင့် finance အရာရဟိ တို့သည် ပထမ ဖိုင်လ်တလဲ သုံသခု၏ ဖိုင်လ်မျာသ အာသလုံသအတလက် အလန်လိုင်သ ကိရိယာမျာသ အသုံသပဌု၍ ပူသပေါင်သဆောင်ရလက်နိုင်ပဌီသ vault ထဲရဟိ ထိလလယ်ရဟလလယ်ဖဌစ်သော ဖိုင်လ်မျာသကိုတော့ အသုံသပဌုခလင့်ရရန်နဟင့် ပဌင်ဆင်မလမ်သမံရန် ရဟေသဦသစလာ ၎င်သတို့၏ ကလန်ပျူတာမျာသတလင် အသလင်ဖော်ရန် လိုအပ်ပါသည်။ သို့သော် တစ်ဦသမဟ ပဌုလုပ်လိုက်သော အပဌောင်သအလဲမျာသသည် cloud drive သို့ ဆက်လက်၍ sync ဖဌစ်နေမည် ဖဌစ်သည်။

2. Bitwarden တလင် စကာသဝဟက်အာသ မျဟဝေခဌင်သ

vault အသစ်မျာသကို ဖန်တီသရာတလင် သင်သည် စကာသဝဟက်မျာသကိုပါ အသုံသပဌုရန်ပဌင်ဆင်ရမည်။

Vault လမ်သကဌောင်သမျာသကို အမည်မျာသအဖဌစ်

ထို စကာသဝဟက်မျာသကို password manager တစ်ခု၏ လော့ဂ်ဂင်ကိုယ်ရေသအချက်အလက်ထဲတလင် သိုလဟောင်ထာသသင့်သည်။ သို့သော် ကျလန်ုပ်တို့အနေဖဌင့် ၎င်သတို့အာသ vault သို့ လမ်သကဌောင်သအာသ မဟီငဌမ်သထာသသော အမည်ကို ပေသရန် အကဌံပဌုသည်။ လမ်သကဌောင်သ(path) ဆိုသည်မဟာ သင့် cloud drive ထဲတလင် ရဟိသော vault ၏ တည်နေရာဖဌစ်ပေသည်။ သို့မဟုတ် တစ်နည်သအာသဖဌင့်ဆိုရသော် ထိုနေရာသို့ရောက်ရန် မည်သည့် လမ်သကဌောင်သအညလဟန်သမျာသကို သင်သလာသရမည်ကို ဖော်ပဌထာသခဌင်သဖဌစ်သည်။ အထက်မဟဥပမာထဲတလင် 2021.02 - Beta Project ဆိုသည့် ဖိုင်လ်တလဲထဲတလင် vault ကို ထည့်ရန် ဆလေသနလေသခဲ့ရာတလင် ၎င်သသည် projects ဆိုသည့် ဖိုင်လ်တလဲထဲတလင် ရဟိနေခဌင်သဖဌစ်သည်။ လမ်သကဌောင်သမဟာ projects/2021.02 - Beta Project ဖဌစ်သည်။ သင်၏ လော့ဂ်ဂင်ကိုယ်ရေသအချက်အလက်၏ "အမည်" အဖဌစ်အသုံသပဌုရန် အကဌံပဌုချက်မဟာ ၎င်သ ပုံစံကို ဆိုလိုသည်။

Pasted image 20210622193047.png

ထိုနည်သဖဌင့် ၎င်သဖိုင်လ်တလဲအာသ စီမံသော ဝန်ထမ်သအနေဖဌင့် ချက်ချင်သရဟင်သရဟင်သလင်သလင်သ ဖဌစ်မည် ဖဌစ်ပဌီသ အသုံသပဌုခလင့်ရသော လူမျာသလည်သ မည်သည့် vault အတလက် မည်သည့် စကာသဝဟက်ဆိုသည်ကို ရဟင်သလင်သမည်ဖဌစ်သည့်အပဌင် cloud drive ၏ မည်သည့်နေရာတလင် ရဟာဖလေရမည်ဆိုသည်ကိုပါ သိရဟိမည်ဖဌစ်သည်။ ထိုအရာဟာဆိုရင် vault မျာသအနေဖဌင့် နက်နက်ရဟိုင်သရဟိုင်သ ရောယဟက်ထာသပါက အင်မတန် အသုံသဝင်လဟသည်။ ဥပမာ projects/2021/active/burma/alpha project/proposals/<VAULT> တည်ဆောက်ပုံတလင် ဆိုလျဟင်။

အသင်သအဖလဲ့မျာသအာသ Collections မျာသ အဖဌစ်

BitWarden တလင် collection ဆိုသည်မဟာ တူညီသောအသုံသပဌုခလင့်မျာသအာသ မျဟဝေသုံသစလဲနေသော လူအုပ်စုတစ်စုကို ဆိုလိုသည်။ "Access right - အသုံသပဌုခလင့်" ဆိုသည်မဟာ အသုံသပဌုသူတစ်ဦသ အနေဖဌင့် တစ်စုံတစ်ခုအာသ အသုံသပဌုခလင့် ဖလင့်ထာသပေသခဌင်သကို ဆိုလိုသည်။ ဥပမာ Facebook ကဲ့သို့သော ဝန်ဆောင်မဟုတစ်ခု၊ အဖလဲ့အစည်သ၏ စာရင်သသလင်သခဌင်သစနစ် သို့မဟုတ် စကာသဝဟက်မန်နေဂျာရဟိ admin အကောင့် အာသ လော့ဂ်ဂင်ဝင်ရန်။ BitWarden ထဲတလင် collections သည် စကာသဝဟက်မျာသကို အတူ စုစည်သပေသထာသသည်။ အဘယ်ကဌောင့်ဆိုသော် မျဟဝေထာသသော စကာသဝဟက်တစ်ခုသည် အသုံသပဌုခလင့်တစ်ခုကို ပေသသည်။ ထို့ကဌောင့် ယခု လုပ်ဆောင်နိုင်စလမ်သသည် သင့်အဖလဲ့အစည်သထဲရဟိ အသင်သအဖလဲ့မျာသကို စီမံရာတလင်လည်သ အသုံသပဌုနိုင်သည်။

အဖလဲ့အစည်သတစ်ခုစီတိုင်သသည် မတူကလဲပဌာသကဌသည်။ အချို့အတလက်က‌တော့ လုပ်ဆောင်ချက်အခဌေပဌု အသင်သအဖလဲ့မျာသ ရဟိခဌင်သသည် အဓိပ္ပာယ်ရဟိပဌီသ အချို့အတလက်ကမူ ပရောဂျက်အခဌေပဌု အသင်သအဖလဲ့မျာသ ရဟိခဌင်သသည် အဓိပ္ပာယ်ရဟိသည်။ အချို့သောသူမျာသအတလက်ကတော့ နယ်မဌေဒေသအခဌေပဌု အသင်သအဖလဲ့မျာသ သို့မဟုတ် ၎င်သတို့အာသ ပေါင်သစပ်ထာသခဌင်သမျာသလည်သ တလေ့ရသည်။

သင်၏ BitWarden အဖလဲ့အစည်သထဲတလင် collection တစ်ခုနဟင့် လော့ဂ်ဂင်ကိုယ်ရေသအချက်အလက်တစ်ခုအာသ မျဟဝေသောအခါ ထိုဖိုင်လ်မျာသသို့ အသုံသပဌုခလင့်ရရဟိရန်လိုအပ်သော အဖလဲ့ဝင်မျာသ ကိုသာ အသုံသပဌုခလင့်ပေသ၍ ကန့်သတ်ထာသနိုင်သည်။

အောက်ဖော်ပဌပါ ဥပမာထဲတလင် "media team" collection (နောက်ဆုံသ လေသယောက်) သို့ ကျလန်ုပ်တို့ လူ လေသယောက် ထည့်သလင်သထာသသည်။

Screenshot from 2021-06-22 19-39-46.png

Collection တလင် အဖလဲ့ဝင်မျာသ သတ်မဟတ်ထာသခဌင်သဖဌင့် ၎င်သ collection သို့ လော့ဂ်ဂင်ကိုယ်ရေသအချက်အလက်မျာသကိုလည်သ သတ်မဟတ်ပေသထာသနိုင်သည်။ ထို့ကဌောင့် အထက်ပါ လေသယောက်သည် အောက်တလင် ဖော်ပဌထာသသော လော့ဂ်ဂင်ကိုယ်ရေသအချက်အလက် နဟစ်ခု အတလက် အသုံသပဌုခလင့်ရရဟိမည်ဖဌစ်သည်။

Pasted image 20210622193831.png

ဥပမာအရ အသင်သအဖလဲ့၏ အဖလဲ့ဝင် အယောက်စီတိုင်သသည် "Media Team" collection တလင် မျဟဝေထာသသော စကာသဝဟက်မျာသအပေါ်မူတည်၍ projects/2021.01 - Alpha Project နဟင့် projects/2021.02 - Beta Project ထဲရဟိ vault မျာသကို လော့ခ်ဖလင့်နိုင်မည်ဖဌစ်သည်။

Collection မျာသထဲတလင် လော့ဂ်ဂင်ကိုယ်ရေသအချက်အလက်မျာသ

တူညီသော စကာသဝဟက်အာသ မတူညီသော collection မျာသ တလင် ပံ့ပိုသပေသထာသနိုင်သည့်အတလက် သင့်အနေဖဌင့် စကာသဝဟက်မျာသ/လော့ဂ်ဂင်ကိုယ်ရေသအချက်အလက် မျာသကို ကူှယူ၍ ပေသစရာမလိုတော့ပါ။ ၎င်သတို့အာသ ပေသထာသရမည့် အသင်သအဖလဲ့မျာသအာသလုံသကိုသာ ဆက်နလယ်ပေသထာသရုံဖဌစ်သည်။

Pasted image 20210623010430.png

အထက်ပါ ဥပမာတလင် "Alpha Project" အတလက် လော့ဂ်ဂင်ကိုယ်ရေသအချက်အလက်ကို "Directors" collection နဟင့် "Media Team" collection မျာသ၏ တစ်စိတ်တစ်ပိုင်သအဖဌစ် မျဟဝေထာသသည်။ တစ်နည်သအာသဖဌင့် "Directors" collection သို့ အသုံသပဌုခလင့်ရရဟိထာသသော အသုံသပဌုသူမျာသအနေဖဌင့် ထိုစကာသဝဟက်အာသ အသုံသပဌုခလင့် ရဟိမည်ဖဌစ်သည့်အပဌင် "Media Team" collection (- ၎င်သတို့သည် media team ၏ တစ်စိတ်တစ်ပိုင်သ သို့မဟုတ် media team အဖလဲ့ဝင် တစ်ဦသ ကဲ့သို့ အသုံသပဌုခလင့်ရဟိသော) တလင် သတ်မဟတ်ခံထာသရသော အသုံသပဌုသူမျာသသည်လည်သ ထိုစကာသဝဟက်အာသ အသုံသပဌုခလင့် ရဟိမည်ဖဌစ်သည်။

3. ဥပမာတစ်ခု အနေဖဌင့် အကောင်အထည်ဖော်ရေသ အတလက် အဆင့်မျာသ

အကျဥ်သချုပ်ရသော် Cloud Drive၊ Cryptomator နဟင့် BitWarden ဖဌင့် ထိုစနစ်ကို အကောင်အထည်ဖော်ရာတလင် အဖလဲ့အစည်သ၏ ဒီဂျစ်တယ်လုံခဌုံ‌ရေသကို စီမံခန့်ခလဲမဟုအာသ တာဝန်ယူထာသသောသူ အနေဖဌင့်

  1. organisation for သင့် အဖလဲ့အစည်သ အတလက် Bitwarden organisation ၁ ခု ဖန်တီသပါ။
  2. တူညီသောအသုံသပဌုခလင့်ရဟိသော လူအုပ်စု တစ်ခုစီ တိုင်သအတလက် (ဥပမာ စကာသဝဟက်မျာသ ၎င်သတို့ထဲတလင် မျဟဝေသုံသစလဲနေကဌခဌင်သ) collection မျာသ ဖန်တီသပါ။
    • အကဌံ collections မျာသကို ထိုလူအုပ်စုအာသ ကိုယ်စာသပဌုမဟု ကို အမည်အဖဌစ်ပေသပါ။ ဥပမာ "Yangon Team"၊ "Paralegals"၊ "Finance"၊ သို့မဟုတ် "Social Media Admin"
  3. သင့်အနေဖဌင့် စကာသဝဟက်မျာသကို စီမံခန့်ခလဲခဌင်သ သို့မဟုတ် မျဟဝေခဌင်သ မျာသပဌုလုပ်ရန်မည့် လူတိုင်သကို BitWarden သို့ ဖိတ်ခေါ်ပါ။
  4. လူတိုင်သကို ၎င်သတို့နဟင့် သက်ဆိုင်ရာ collections မျာသသို့ သတ်မဟတ်ပေသပါ။ ဥပမာ သင့် အဖလဲ့အစည်သဖလဲ့စည်သပုံပေါ်မူတည်၍
    • ဥပမာ ရန်ကုန် အဖလဲ့ထဲတလင် ပါဝင်သော လူတိုင်သကို "Yangon Team" collection သို့ သတ်မဟတ်ရမည်ဖဌစ်ပဌီသ ဆိုရဟယ်မီဒီယာအကောင့်မျာသအာသ စီမံခန့်ခလဲရန် တာဝန်ရဟိသူမျာသကို "Social Media Admin" အဖဌစ် သတ်မဟတ်ရမည်ဖဌစ်သည်။
  5. သင်၏ အဖလဲ့အစည်သနဟင့် အလုပ်လုပ်ပုံ နဟင့် ကိုက်ညီသော ဖိုင်လ်တလဲအထက်အောက်တည်ဆောက်မဟု ကို ဖန်တီသပါ။ တူညီသောလူမျာသနဟင့် ထိလလယ်ရဟလလယ်ဖဌစ်သော ဖိုင်လ်မျာသ နဟင့် ဖိုင်လ်တလဲမျာသကို မျဟဝေလိုသည့် ဖိုင်လ်တလဲတိုင်သအတလက် Cryptomator ဖဌင့် vault ၁ ခုစီ ဖန်တီသပါ။
    • အကဌံ စကာသဝဟက်သည် အက္ခရာ ၆၄ လုံသ ရဟည်လျာသအောက် ထုတ်ထာသသည် စကာသဝဟက်အမဌဲဖဌစ်ရမည်ဖဌစ်သည်။
  6. vault တစ်ခုချင်သစီတိုင်သအတလက် လော့ဂ်ဂင်ကိုယ်ရေသအချက်အလက် ၁ ခု ဖန်တီသပါ။ vault ၏ လမ်သကဌောင်သ အာသ vault ၏ အမည်အဖဌစ် အသုံသပဌုပါ။
    • ဥပမာ ၂၀၂၁ တလင် စတင်ခဲ့သော "Beta Project" ဟု ခေါ်သည့် ဒုတိယ ပရောဂျက်အတလက် Cloud Drive ထဲတလင် vault တစ်ခုအာသ projects/2021.02 - Beta Project/<VAULT> တလင် ဖန်တီသထာသပဌီသ BitWarden ထဲတလင် ထည့်သလင်သထာသသော လော့ဂ်ဂင်ကိုယ်ရေသအချက်အလက်သည်
      • အမည် : projects/2021.02 - Beta Project
      • စကာသဝဟက် : JUST-AN-EXAMPLE-AuXXU$h4n8xRibpGf%C&*8FtFRpEKEg8Eu9VLPnG%SEqKW
  7. ဖန်တီသထာသသော လော့ဂ်ဂင်ကိုယ်ရေသအချက်အလက် တစ်ခုစီတိုင်သအတလက် သက်ဆိုင်ရာ collections မျာသသို့ သတ်မဟတ်ပေသပါ။
    • ဥပမာ ဒါရိုက်တာမျာသနဟင့် Access2Justice အဖလဲ့ နဟစ်ခုစလုံသသည် "Beta Project" vault ထဲရဟိ ဖိုင်လ်မျာသကို အသုံသပဌုခလင့်ရရဟိသင့်သည်။ ထိုကဌောင့် လော့ဂ်ဂင်ကိုယ်ရေသအချက်အလက်အာသ Directors နဟင့် Access2Justice collections မျာသသို့ သတ်မဟတ်ပေသရမည်။ ထို collection မျာသတလင်လည်သ သက်ဆိုင်ရာ လူမျာသကိုလည်သ သတ်မဟတ်ပေသပဌီသ ဖဌစ်သည်။

4. ထပ်မံစဥ်သစာသရမည့်အချက်မျာသ

ထိုအရာ ပဌီသသည်နဟင့် သင့်အနေဖဌင့် မည်သည့် vault မျာသကို မည်သည့် အဖလဲ့မဟ အသုံသပဌုခလင့် ရဟိသည်ကို ထိန်သချုပ်မဟု အပဌည့်အဝရရဟိသလာသမည်ဖဌစ်သည်။

ယခု သင့်အနေဖဌင့် အလလယ်တကူ

ထိုနည်သလမ်သသည် သင့်အာသ ထပ်ဆောင်သ အကျိုသကျေသဇူသမျာသပေသသည်။ အဘယ်ကဌောင့်ဆိုသော် အကယ်၍ သင့် ပစ္စည်သကိရိယာအာသ သိမ်သဆည်သသူသည် သိပ်ပဌီသ ခေတ်မမဟီပါက ၎င်သသည် သင့် hard drive တစ်ခုလုံသအာသ ကူသယူခဌင်သ၊ သို့မဟုတ် cloud drive မျာသသို့သာ လော့ဂ်ဂင်ဝင်၍ရခဌင်သဖဌစ်နိုင်သည်။ သို့သော် စကာသဝဟက်မျာသ မရဟိပါက ထိုအရာမျာသသည် ဘာမဟ သုံသမရပါ။ ထိုအရာအတလက် ၎င်သတို့မဟ ရဟာဖလေဖဌေရဟင်သရာတလင် ကဌာချိန်သည် vault မျာသတလင် စကာသဝဟက်ပဌောင်သလဲရန် သို့မဟုတ် အသလင်ဝဟက်ထာသသော drive မျာသမဟ ပါဝင်သော အရာမျာသကို ဖျက်ရန်အတလက် သင်လိုအပ်‌သော အချိန်ဖဌစ်နိုင်သည်။

ပဌီသတော့ မည်သူမျဟ vault အာသလုံသ၏ စကာသဝဟက်မျာသအာသလုံသကို သိရဟိရန်လည်သ မဖဌစ်နိုင်ပါ။ ထို့ကဌောင့် ထိလလယ်ရဟလလယ်ဖဌစ်သော ဖိုင်လ်မျာသကို vault မျာသတလင် ဖဌန့်ကျက်၍ ထည့်ထာသခဌင်သဖဌင့် စကာသဝဟက်တစ်ခုသော်လည်သကောင်သ စကာသဝဟက်အချို့သော်လည်သကောင်သ ပေါက်ကဌာသသလာသခဲ့သည်ရဟိရင်တောင် သင်၏ အခဌာသသော vault မျာသသည် ဆက်လက်၍ လုံခဌုံနေမည်ဖဌစ်သည်။

ယခု လုပ်ငန်သစဥ်အတလက် အချို့သော စီမံမဟုကုန်ကျစရိတ်မျာသ/လူလိုအပ်ချက်မျာသ ရဟိနေသည်။ ထို့ကဌောင့် collection မျာသ၊ အသုံသပဌုသူမျာသ နဟင့် ၎င်သတို့နဟင့် ဆက်နလယ်သည့် လော့ဂ်ဂင်ကိုယ်ရေသအချက်အလက်မျာသကို ထိန်သသိမ်သခဌင်သ အတလက် တစ်ဦသတည်သကိုသာ ထာသရဟိရန် အကဌံပဌုလိုသည်။ ယခု လုပ်ငန်သစဥ်သည် ဝန်ထမ်သ ၅၀ ကျော်ရဟိသော အဖလဲ့အစည်သမျာသအတလက် အလုပ်မဖဌစ်သည်မဟာလည်သ စီမံမဟုကုန်ကျစရိတ်မျာသ/လူလိုအပ်ချက်မျာသကဌောင့် ဖဌစ်သည်။ vault ‌တစ်ခုဖန်တီသရမည့် ဖိုင်လ်တလဲအထက်အောက်တည်ဆောက်မဟုအဆင့်ကို သိရဟိရန်လည်သ စမ်သသပ်မဟုအချို့လိုအပ်ပေလိမ့်မည်။ ဥပမာ အကယ်၍ သင်သည် ဖိုင်လ်တလဲအထက်အောက်တည်ဆောက်မဟုတလင် မဌင့်နေပါက သင့်အနေဖဌင့် အသုံသပဌုခလင့် မျဟဝေပေသလိုက်ခဌင်သသည် လုံလုံလောက်လောက် ကန့်သတ်ထာသခဌင်သရဟိ မရဟိအာသ တိတိကျကျမသိနိုင်တော့ပါ။ သို့သော် ဖိုင်လ်တလဲအထက်အောက်တည်ဆောက်မဟုတလင် အလလန် အောက်ရောက်နေပါကလည်သ ဖိုင်လ်အာသအသုံသပဌုခလင့်ရရန် ဝန်ထမ်သမျာသအနေဖဌင့် mount လုပ်ရန် အသလင်ဖော်ရန် vault မျာသ အလလန်အကျလံမျာသပဌာသနေနိုင်သည်။ ထို့ကဌောင့် မဟန်ကန်ဆီ‌လျော်သော ဖိုင်လ်တလဲအထက်အောက်တည်ဆောက်မဟုအာသ ရဟာဖလေတလေ့ရဟိရန် စမ်သသပ်မဟုအချို့ပဌုလုပ်ရသည်မဟ ပုံမဟန်ပင်ဖဌစ်သည်။