📱 အပြိုင်တည်ရှိနေသောအက်ပ်များ နှင့် တည်ကြက်အက်ပ်များကို ဖန်တီးပါ။

Last updated on : 2021-10-15

သင်ဘာသိသင့်သလဲ

  1. အပြိုင်တည်ရှိနေသော အက်ပ် သည် တူညီသောအက်ပ်တစ်ခုသို့ အကောင့်ပေါင်းများစွာဖြင့် လော့ဂ်ဂင်ဝင်၍ရအောင် စွမ်းဆောင်ပေးနိုင်သည်။ တည်ကြက်အက်ပ် သည် အက်ပ်၏ 'လုံခြုံသော' ဗားရှင်းတစ်ခုကို ထားရှိနိုင်ပြီး တစ်ဖက်တွင်လည်း ထိလွယ်ရှလွယ်ဖြစ်သည့် အသုံးပြုမှုများကို အက်ပ်၏ မိတ္တူနောက်တစ်ခုထဲတွင် ဖုံးကွယ်ထားနိုင်သည်။ ၎င်းတို့၏ သ‌ဘောတရားများသည် ဆက်စပ်လျက်ရှိသည်။ အဘယ်ကြောင့်ဆိုသော် တည်ကြက်အက်ပ်များကို ဖန်တီးရန် သင့်အနေဖြင့် အပြိုင်တည်ရှိနေသောအက်ပ် ဝန်ဆောင်မှုကိုလည်း အသုံးပြုကောင်းပြုရနိုင်သည်။
  2. သို့သော် မှတ်ထားရမှာသည် တည်ကြက်အက်ပ်တစ်ခုသည် လူတစ်ယောက်၏ အမှန်တကယ်အသုံးပြုသော အက်ပ်နှင့် ဆင်တူမှုရှိနေမှသာလျှင် အသုံးဝင်မည်ဖြစ်သည်။ ထို့ကြောင့် စစ်ဆေးခံရသောအခါ သံသယမဖြစ်စေရန် သင့်အနေဖြင့် အက်ပ်အား စာတိုများ၊ ဓာတ်ပုံများ၊ စာရွက်စာတမ်းများ နှင့် အသုံးပြုမှုများ ဖြင့် ဖြည့်စွက်ထားရန်လိုအပ်သည်။
  3. ထိုကဲ့သို့ အက်ပ်နှစ်ခုကို ထိန်းသိမ်းရသည်မှာ သင့်အတွက် အားအင်စိုက်ထုတ်ရမှုများပြားနေနိုင်ပါသည်။ - ထို့ကြောင့် ထပ်ဆောင်းဖြည့်စည်းသွားမည့် လုံခြုံရေးနှင့် ယုံကြည်စရာကောင်းသော ငြင်းဆန်မှု၏ အကျိုးကျေးဇူးများ နှင့် ၎င်းအက်ပ်များအား ထိန်းသိမ်းရသော ကသိကအောက်ဖြစ်မှုတို့အကြား အပေးအယူကို ထည့်သွင်းစဥ်းစားပါ။
  4. သင့်အနေဖြင့် အက်ပ်အားလုံးအတွက် တည်ကြက်အက်ပ်များ ဖန်တီးရန်မလိုသည်ကိုလည်း မှတ်သားထားပါ။ - ထို့ကြောင့် သင်ဖုံးကွယ်လိုသည့် အက်ပ် နှင့် ဖိုင်အမျိုးအစားများကို ရွေးချယ်နိုင်မည်ဖြစ်သည်။

သင်ဘာပြင်ဆင်သင့်သလဲ

  1. တည်ကြက်အက်ပ်များကို အသုံးပြုရန်ပြင်ဆင်ခြင်းတွင် တည်ကြက်ပြုလုပ်ရန်အတွက် သတင်းအချက်အလက်များကို ထည့်သွင်းရသောကြောင့် လုပ်ငန်းစဥ်တစ်ခုလုံးကို ပြီးဆုံးအောင်ပြုလုပ်ရန် အချိန်အတန်ကြာ ယူနိုင်ပါသည်။ ထို့ကြောင့် သင် အသုံးပြုသည့် အက်ပ်အရေအတွက်အပေါ်မူတည်၍ အဆင့်များကို ပြီးဆုံးအောင်လုပ်ဆောင်ရန် လုံလောက်သော အချိန်တစ်ခု (မိနစ် ၃၀ မှ ၂ နာရီခန့်) ဖယ်ထားရန် လိုအပ်သည်။

သင်ဘာလုပ်သင့်သလဲ

1. အပြိုင်တည်ရှိနေသောအက်ပ်များ သို့မဟုတ် Shelter ကို အသုံးပြုရန် ပြင်ဆင်ပါ။

🤖 ANDROID တွင် အသုံးပြုရန်ပြင်ဆင်ခြင်းသည် သင်အသုံးပြုသော အမှတ်တံဆိပ်ပေါ်တွင် မူတည်သည်။

🍏 iOS တွင် အက်ပ်များကို ပုံတူပွားရန်အတွက် လုံးဝဥဿုံ မှန်ကန်သော ရွေးချယ်စရာဟူ၍ မရှိပါ။ ထို့ကြောင့် အွန်လိုင်းတွင် ၎င်းနှင့် ပတ်သတ်သော သတင်းအချက်အလက်များကို သင်ရှာဖွေတွေ့ရှိနိုင်သော်လည်း အခြား အက်ပ်စတိုးများအား install လုပ်ခြင်းအား မပြုလုပ်ရန် (📱 အက်ပ်များအား ယုံကြည်ရသော နေရာမှ install လုပ်ပါ။တွင် ဆွေးနွေးခဲ့သည့်အတိုင်း) သို့မဟုတ် သင့်ဖုန်းအား jail-break မပြုလုပ်ရန် ကျွန်ုပါတို့ အကြံပြုလိုသည်။ ထို နည်းလမ်း နှစ်ခုစလုံးသည် သင့် iPhone အား အမြတ်ထုတ်နိုင်စေရန် လမ်းဖွင့်ပေးသလိုဖြစ်နေပေလိမ့်မည်။

အချို့သော အက်ပ်များတွင် အကန့်အသတ်ဖြင့် 'multiple app' လုပ်ဆောင်ချက်အား ခွင့်ပြုထားခြင်းများရှိသည်။ များသောအားဖြင့် လုံးဝ မိတ္တူအစစ်အမှန်တစ်ခုအစား အက်ပ်ပလီကေးရှင်း ၏ web-browser ဗားရှင်း ကိုပံ့ပိုးပေးထားတတ်သည်။ ကျွန်ုပ်တို့အနေဖြင့်ကတော့ အက်ပ် နောက်ထပ်တစ်ခု ထပ်မံ ထည့်သွင်းခြင်းသည် တန်လိမ့်မည်ဟုမထင်ပါ။ အဘယ်ကြောင့်ဆိုသော် အကယ်၍ သင့်အနေဖြင့် 📱 လုံခြုံသော Browser တစ်ခု အသုံးပြုရန်ပြင်ဆင်ပြီးသားဖြစ်ပါက သင့်အက်ပ်များကို browser မှတစ်ဆင့် အသုံးပြုနိုင်မည့် ‌ရွေးချယ်စရာသည် သင့်တွင် ရှိပြီးသားဖြစ်နေသောကြောင့်ဖြစ်သည်။